SON DƏQİQƏ

“Halal otel nədir? Bu, hansı terminologiyaya uyğundur? Deməli, qalanları haramdır, bu, halaldır? Yaxud haramdırsa, orda nələr baş verir? Bir vaxtlar kolbasalara “halal kolbasa” adı qoymuşdular, indi də otellərə keçiblər”.

Deputat Siyavuş Novruzov bu fikirləri “Turizm haqqında” qanunun müzakirəsi zamanı söylədi.

O, qeyd etdi ki, dünyada otellərə hansı tələb qoyulursa, bizdə də qoyulmalıdır. “Ancaq mənzillərin otellərə çevrilməsinə ciddi şəkildə nəzarət olmalıdır” -deyən S.Novruzov təhlükəsizlik məsələsinə də ciddi diqqət yetirilməsini zəruri saydı.

Birinci vitse-spiker Ziyafət Əsgərov isə dedi ki, bu məsələ ilə bağlı ciddi narahatlığa ehtiyac yoxdur. Çünki ölkəyə gələn turistlər Azərbaycan sərhədlərində ciddi şəkildə yoxlanılır: “Sözsüz ki, ayıq-sayıqlıq yaxşı haldır. Biz bunu həmişə nəzərə alırıq, bundan sonra da nəzərə alacağıq”.

Emtv.az